ბრაუნშვაიგური (Braunschweiger) ერთ-ერთი ყველაზე ცნობილი გერმანული ძეხვია, რომელიც სათავეს იღებს ქალაქ ბრაუნშვაიგიდან (Braunschweig) – ქვემო საქსონიაში მდებარე ისტორიული ცენტრიდან, სადაც საუკუნეების წინ ძეხვის დამზადება ნამდვილ ხელოვნებად იქცა.

ტრადიციულად ძეხვს ამზადებდნენ ღორის ხორცისა და ღვიძლისგან, მარილით, შავი პილპილითა და არომატული სანელებლებით. გერმანული ტრადიციით, ზამთრისთვის სანოვაგის მომარაგება აუცილებელი იყო, ამიტომ ხორცის შენახვის ერთ-ერთ საუკეთესო გზად შებოლვა ითვლებოდა.

ბრაუნშვაიგური ძეხვის სახელწოდება პირდაპირ უკავშირდება მის წარმომავლობას — სიტყვა Braunschweiger ნიშნავს „ბრაუნშვაიგიდან წამოსულს“. შუა საუკუნეებში ეს ქალაქი ცნობილი იყო თავისი სამეურნეო პროდუქტებითა და მაღალი ხარისხის ხორცპროდუქტებით.

დამარილებული და შესუნელებული ხორცის შებოლვისა და გამოშრობის შედეგად წარმოიქმნებოდა დელიკატური, არომატული და რბილი ძეხვი, რომელიც დიდხანს ინახებოდა და ტაბლაზე განსაკუთრებულ ადგილს იკავებდა.

ბრაუნშვაიგური მეტაბლეში

მეტაბლე ინარჩუნებს ბრაუნშვაიგურის კლასიკურ ტრადიციას, თუმცა მას შეცვლილი რეცეპტით, გაუმჯობესებული ხარისხითა და ტექნოლოგიით ამზადებს. 

პროდუქცია მზადდება თანამედროვე რეცეპტით. გამოიყენება მხოლოდ ღორისა და საქონლის უმაღლესი ხარისხის ხორცის ნაზავი,  ტრადიციული გერმანული სანელებლები, ასევე ქართული გემოს ელემენტები, ავთენტური გემოს მისაცემად. ხორცი თავსდება ბუნებრივი ნაჭრის გარსში, რომელიც ძეხვს უნიკალურ არომატსა და ტექსტურას აძლევს. შემდეგ კი პროდუქტი იბოლება და იძენს უფრო საინტერესო არომატსა და გემოს.

„მეტაბლეს“ ბრაუნშვაიგური წარმოდგენილია სამი განსხვავებული გემოს გარსით — პაპრიკა, კურკუმა და შავი წიწაკა. თითოეულ მათგანს თავისი უნიკალური ხასიათი აქვს: პაპრიკა ძეხვს რბილ, ოდნავ ტკბილ პიკანტურობას მატებს; კურკუმა — თბილ, ოქროსფერ ელფერსა და მსუბუქად აზიურ არომატს; ხოლო შავი წიწაკა — კლასიკურ სიმტკიცესა და ინტენსიურ გემოს. ამ სამი ვარიაციით ბრაუნშვაიგური იძენს მრავალფეროვან ხასიათს, რომელიც იდეალურია როგორც სენდვიჩისთვის, ისე გურმანული დეგუსტაციისთვის. 

მეტაბლეს ბრაუნშვაიგური გამოირჩევა დელიკატური გემოთი, რბილი სტრუქტურითა და მდიდარი არომატით. შეგიძლიათ მიირთვათ ხრაშუნა ბაგეტთან ან პურის ჩხირებთან. ასევე შეგიძლიათ მიაყოლოთ ყველი, მწნილი და ბოსტნეული. ძეხვი განსაკუთრებით პიკანტურად ერწყმის მშრალ თეთრ ან ქარვისფერ ღვინოს.

ბრაუნშვაიგური მეტაბლეში — ტრადიციისა და გემოს იდეალური შერწყმა.